Gipakusgan sa Digos City Police Station ang ilang checkpoint operations sa nagkadaiyang bahin sa syudad isip kabahin sa padayong paningkamot aron mapadayon ang kalinaw, kahapsay ug seguridad sa publiko.
Matud ni PLTCOL Norman L. Yparraguirre, Chief of Police sa Digos City Police Station, ginahimo ang maong checkpoint operations adlaw ug gabii aron mapugngan ang posibleng kriminal nga kalihokan ug uban pang insidente nga mahimong makahatag og hulga sa seguridad sa katawhan.
Gipahinumdoman usab ang publiko nga makigtambayayong sa kapulisan ug mosunod sa mga lagda sa checkpoint, tungod kay ang kaluwasan ug kahapsay sa komunidad usa ka hiniusang responsibilidad sa awtoridad ug sa matag molupyo.
