Nasikop pag-usab atol sa hiniusang buy-bust operation sa Digos City Police Station, PDEA ug PDEU ang 43-anyos nga lalaki nga giila nga si alyas “DIK,” nga kaniadto nang napriso tungod sa kalambigitan sa ilegal nga droga.
Gipahigayon ang operasyon alas 10:57 kagabii, Oktubre 8, sa Purok Narra, Barangay Zone 3, Digos City.
Nasakmit gikan sa suspetsado ang 10.5 gramos nga gituohang shabu nga mokantidad og 71,740 pesos, lakip ang buy-bust money, timbangan ug drug paraphernalia.
Ang suspetsado, nga giila nga Street Level Individual, anaa na sa kustodiya sa Digos City Police Station. Giandam na ang kasong paglapas sa Republic Act 9165 o Comprehensive Dangerous Drugs Act of 2002 batok sa dinakpan.
