Gipasabot sa CHO-Iligan nga kinahanglan ang sayong pagpa-check o early detection alang sa HIV aron masugdan dayon ang hustong treatment ug malikayan ang posibleng pagkapasa niini ngadto sa ubang tawo.
Matod ni HIV Case Manager Elmer Masuta Jr., importante usab ang pagka-adherent sa pag-inom sa mga giresetang tambal, aron epektibong makontrol ang virus sa lawas. Kung kanunay ug sakto ang pag-inom sa medication, posible nga maabot ang kahimtang nga undetectable na ang HIV.
Kung undetectable na ang virus, nagpasabot kini nga dili na kini mapasa pinaagi sa pakighilawas, o undetectable equals untransmittable (U=U), basta magpadayon ang treatment ug ang lebel sa virus nagpabiling undetectable sumala sa medical monitoring.
