Gipalig-on sa Local Government Unit (LGU)-Iligan ang ilang partnership sa Korea pinaagi sa Korean Freedom Federation og Memorandum of Understanding o MOU alang sa pag-donate og bag-ong e-library sa South 1-A Central School sa Barangay Tubod, Iligan City ning miaging aldaw.
Pinaagi sa maong e-library, mahatagan ang mga estudyante og dugang access sa digital learning materials, learning resources, computer ug teknolohiya, nga makatabang sa pagpalambo sa ilang digital skills ug paghatag og mas modernong pamaagi sa pagkat-on.
Tumong sa proyekto nga mapalapad ang access sa kalidad ug modernong edukasyon sa mga estudyanteng Iliganon, samtang mapalig-on ang Iligan–Korea partnership pinaagi sa konkretong suporta sa sektor sa edukasyon.
