Patay ang usa ka 8-anyos nga batang babaye human mabanggaan sa laing motorsiklo samtang sakay sa motorsiklo kauban ang iyang inahan ug igsoon nga maoy nagmaneho sa Bual, Tulunan, Cotabato, pasado alas-5:00 sa hapon niadtong Miyerkules, Oktubre 7, 2026. Giila ang biktima nga si alyas “Mil,” usa ka Grade 3 nga estudyante ug residente sa Barangay Sibsib, Tulunan, North Cotabato.
Base sa imbestigasyon, samtang nagbiyahe ang mag-ina ug ilang kauban, kalit silang nasangit ug nabanggaan sa usa ka Raider nga motorsiklo. Kusog ang pagkabangga ug tungod niini, wala na maluwas ang bata ug gideklarar nga patay diha mismo sa nasampit nga lugar. Ang iyang inahan ug igsoon nga nalambigit usab sa aksidente gidala ngadto sa ospital alang sa medikal nga pag-atiman.
Sa kasamtangan, padayon gihapon ang imbestigasyon sa mga otoridad aron mahibal-an pa ang tibuok detalye sa nahitabo ug matino kung unsay hinungdan sa aksidente. Gisusi usab sa kapulisan ang posibleng tulobagon sa mga nalambigit samtang padayon ang pagkolekta sa impormasyon bahin sa maong insidente.
