Nadakpan sa kapulisan ang usa ka watch-listed Street-Level Individual o SLI nga giilang si alyas “Abner,” 47 anyos, ulitawo, walay trabaho, ug residente sa Barangay Combis, Dulag, Leyte, atol sa buy-bust operation nga gipahigayon didto sa naasoy nga lugar niadtong nakalabay nga adlaw.
Base sa inisyal nga report, malampusong nakapalit ang police poseur-buyer og usa ka heat-sealed transparent plastic sachet nga adunay puti nga kristal nga substansiya nga gituohang shabu, nga misangpot sa pag-aresto sa suspek.
Sa follow-up search, nakarekober usab ang kapulisan og duha ka dugang nga sachet nga adunay susamang gituohang ilegal nga droga.
Sa kinatibuk-an, tulo ka sachet sa gituohang shabu ang nakumpiska, nga adunay gibug-aton nga gibana-banang 2.15 gramos ug gibanabanaang street value nga P14,620, lakip ang gigamit nga buy-bust money.
Gimarkahan ug gi-inventory ang mga nakumpiskang ebidensya sa lugar sa pag-aresto atubangan sa nadakpan nga suspek, usa ka napiling mga saksi, subay sa mga may kalabotang legal nga kinahanglanon.
Gidala ang suspek ug ang mga non-drug evidence sa Dulag MPS alang sa hustong disposisyon, samtang ang nakumpiskang gituohang ilegal nga droga gisumiter sa PNP Regional Forensic Unit 8 (RFU8) sa Palo, Leyte alang sa qualitative ug quantitative chemical analysis.
Samtang, giandam na ang criminal complaint batok sa suspek tungod sa giingong paglapas sa Sections 5 ug 11, Article II sa Republic Act No. 9165 o Comprehensive Dangerous Drugs Act of 2002.
Photo courtesy: LPPO
