Dakpan sa mga kapulisan ang usa ka wanted person sa Palo, Leyte nga giilang si alyas “Dodong,” 28 anyos, ulitawo, drayber ug residente sa Barangay Gacao, Palo, Leyte, gidakop tungod sa paglapas sa usa ka municipal ordinance. Nadakpan ang suspetsado atoll gipahigayong manhunt operation sa mga kapulisan sa Palo Municipal Police Station didto Barangay Guindapunan, Palo, Leyte niadtong nakalabay nga adlaw.
Matud pa sa kapulisan, gidakop ang suspetsado pinaagi sa warrant of arrest nga gi-isyu sa Municipal Trial Court in Cities Branch 2 sa Tacloban City tungod sa paglapas sa City/Municipal Ordinance 2000-01, nga adunay girekomendar nga piyansa.
Sa pagdakop, gipahibalo sa mga kapulisan ang suspetsado sa hinungdan sa iyang pagkaaresto ug sa iyang mga katungod ubos sa Konstitusyon sa pinulongang iyang nasabtan. Sa pagkakaron anaa na siya sa kustodiya sa Palo Municipal Police Station alang sa dokumentasyon ug hustong disposisyon, sa dili pa itugyan ngadto sa korte nga nag-isyu sa warrant.
Photo courtesy: PNP Leyte Police Provincial Office
