Nasikop sa mga kapulisan ang usa ka wanted person “Samuel,” 26 anyos, live-in partner, pedicab driver, ug residente sa Barangay Libongao, Kananga, Leyte atol sa gipahigayong manhunt operation didto sa Poblacion, Kananga, Leyte niadtong nakalabay nga adlaw.
Sumala sa kapulisan, nadakpan ang suspek pinaagi base sa Warrant of Arrest nga gipagawas niadtong Pebrero 27, 2024, sa Municipal Trial Court in Cities (MTCC) sa Ormoc City tungod sa giingong paglapas sa City Ordinance No. 19, nga gi-amendar sa City Ordinance No. 79, nga may kalabotan sa balaod nga nagpatuman sa curfew sa tibuok dakbayan ug adunay girekomendar nga piyansa.
Gipahibalo sa nadakpan ang hinungdan sa iyang pagdakop ug gipahinumdoman sa iyang mga katungod ubos sa Konstitusyon, gamit ang pinulongang iyang nasabtan.
Sa pagkakaron, anaa siya sa kustodiya sa Kananga Municipal Police Station alang sa dokumentasyon ug hustong disposisyon, una iturn-over ngadto sa korte nga nagpagawas sa warrant.
Photo courtesy: LPPO
