Nadakpan ang tulo ka mga individual lakip ang giingong 21-anyos nga drug den maintainer nga naila sa alyas “Gaw,” sa hiniusang buy-bust operation sa kapulisan sa Mabini, Davao de Oro niadtong nakalabay nga adlaw.
Ang laing duha ka nadakpan pulos hamtong, 31 ug 39 anyos. Narekober gikan sa mga suspek ang pipila ka sachet sa gituohang shabu, marked money nga gigamit sa operasyon, weighing scale, improvised glass tube, sling bags, cigarette packaging ug uban pang ebidensya.
Ang operasyon gipasiugdahan sa Mabini Municipal Police Station, 2nd Davao de Oro Provincial Mobile Force Company, PNP Maritime Law Enforcement Team Mabini Sub-Station, Davao de Oro Police Provincial Office Provincial Drug Enforcement Unit ug PDEA.
Gidala ang mga nadakpan ug mga nakumpiskang butang sa Mabini Municipal Police Station alang sa dokumentasyon ug hustong disposisyon, samtang ang gituohang iligal nga droga ipaubos sa laboratory examination isip kabahin sa legal nga proseso . Giatubang sa tulo ang posibleng paglapas sa Republic Act 9165 o Comprehensive Dangerous Drugs Act of 2002.
