Nakab-ot sa ika-9 nga ranggo sa tibuok nasud ang Local Civil Registry Office sa Pantukan, Davao de Oro, isip usa sa mga napasidunggan nga 2025 Outstanding Local Civil Registry Office ubos sa Extra Large Category sa Philippine Statistics Authority kon PSA.
Gidawat mismo ni Pantukan Mayor Oliver “Noy” Ceniza ang Plaque of Recognition atol sa 5th National Convention on Civil Registration and Vital Statistics nga gihimo sa Quezon City niadtong Oktubre 7, 2026.
Lakip sa Extra Large Category ang mga civil registry office nga nakaproseso ug nakapasa og 4,000 hangtod 9,999 ka civil registry documents sulod sa usa ka tuig.
Gipakita sa maong pasidungog ang nahimong performance sa LCRO Pantukan sa paghatag og mga serbisyo nga may kalabotan sa civil registration ug vital records alang sa mga residente.
