Patay ang usa ka lalaki nga giilang si alyas “Sadam” human gipusil sa sulod sa usa ka panimalay nga giingong gigamit isip drug den sa Barangay Baan Riverside, Butuan City.
Sumala sa inisyal nga impormasyon, taga-Barangay Ampayon, Butuan City ang biktima, apan lumad nga taga-Prosperidad, Agusan del Sur.
Giingong mamaligyaay og tapyoka ug taho ang biktima ug miadto lamang sa maong lugar aron maningil sa usa ka utang. Apan samtang didto, kalit na lamang kini gipusil sa usa ka wala pa mailhing suspek, hinungdan sa iyang kamatayon.
Padayon pa ang imbestigasyon sa kapulisan aron mahibal-an ang tinuod nga motibo sa pagpamusil ug maila ang responsable sa insidente.
Photo courtesy:BCPS4
