Usa ang patay samtang duha ang kritikal human magsungag ang duha ka single motorcycle sa National Highway sa Barangay Libertad, Butuan City, niadtong nakalabay nga adlaw.
Base sa inisyal nga impormasyon gikan sa BCPS 3, ningliko ang XRM nga motorsiklo human adunay sakyanan nga mi-give way. Apan atol sa pagliko, kalit nga ni-diretso ang Sniper nga motorsiklo nga giingong kusog ang dagan, hinungdan sa disgrasya.
Tungod sa kakusog sa impact, namatay diha mismo sa lugar ang driver sa XRM, samtang kritikal ang iyang back rider. Kritikal usab ang driver sa Sniper nga motorsiklo ug gidala sa medical facility alang sa pagtambal.
Padayon pa sa pagkakaron ang imbestigasyon sa kapulisan ug wala pa gipagawas ang mga ngalan sa mga nalambigit sa maong disgrasya.
Photo courtesy:BCPS 3
