Mas mapadali na sa mga mag-uuma sa Siargao ang pagdala sa ilang mga produkto gikan sa umahan padulong sa merkado, pinaagi sa mga Farm-to-Market Road o FMR Projects nga ipatuman sa unom ka lungsod sa isla. Kabahin kini sa Memorandum of Agreement (MOA) tali sa Department of Agriculture Region XIII o DA-13 ug sa DPWH Surigao del Norte 1st District Engineering Office.
Pinaagi sa maong mga proyekto, gilauman nga mahimong mas sayon ug hapsay ang pagbiyahe sa mga mag-uuma, ilabina sa pagdala sa ilang mga produkto ngadto sa mga merkado. Gilauman usab nga makatabang kini sa pagpalapad sa oportunidad sa panginabuhian ug pagpalambo sa ekonomiya sa mga komunidad sa Siargao.
Lakip sa mga benepisyaryo niini ang mga mag-uuma nga nagsalig sa maayong dalan alang sa transportasyon sa ilang mga produkto gikan sa umahan.
