Angol ang usa ka lalaki nga giila lamang sa alyas nga “Dodong” , human kini gipusil sa wala pa mailhing suspek sa may Fish Landing sa Langihan, Butuan City.
Base sa inisyal nga impormasyon, naigo sa pagpamusil ang biktima ug gilayon nga gidala sa usa ka balay-tambalanan alang sa medikal nga pag-atiman.
Padayon pa ang imbestigasyon sa mga otoridad aron mahibal-an ang motibo sa pagpamusil ug ang pagkatawo sa suspek.
Gipangita usab sa kapulisan ang dugang nga mga saksi ug impormasyon nga makatabang sa pag-ila ug pagsikop sa responsable sa insidente.
Photo courtesy: BCPS2
