Gidayeg ni Miss Universe Philippines 2014 MJ Lastimosa si Bea Millan-Windorski, ang pambato sa Pilipinas sa ika-75 nga Miss Universe pageant nga ipahigayon sa San Juan, Puerto Rico karong Nobyembre 24.
Sumala ni Lastimosa, nakita niya kang Bea ang aura sa usa ka mananaog, susama sa iyang nakita kaniadto kang Miss Universe 2018 Catriona Gray.
Gipasiugda usab ni Lastimosa ang kamahinungdanon sa suporta sa publiko ug sa pagpili og mga representante nga adunay kahanas ug maayong mga hiyas aron mapadayon ang kalig-on sa organisasyon sa Miss Universe.
Samtang, giangkon ni Lastimosa nga nakulbaan siya sa pag-book og flight paingon sa Puerto Rico aron motan-aw mismo sa pageant tungod sa tensyon tali sa mga tag-iya ug stockholders sa Miss Universe organization.
Photo courtesy: Missosology
