Gipalig-on sa Technical Education and Skills Development Authority (TESDA) Bukidnon ang mga programa sa paghatag og kahanas ug panginabuhian ngadto sa 200 ka mga kanhi rebelde o “Friends Rescued” sa probinsya.
Pinaagi sa usa ka esklusibong pakighinabi sa Juander Radyo Malaybalay, gipadayag ni TESDA Director Engr. Artemio C. Del Rosario Jr. nga ang maong lakang nagtinguha nga makahatag og direktang suporta ug mga kapabilidad alang sa pagbalik sa mga benepisyaryo sa normal nga pagpuyo sa komunidad.
Lakip sa mga libreng pagbansay nga gihan-ay mao ang construction skills sama sa masonry, painting, ug carpentry nga gipatuman kauban ang 8th ug 88th Infantry Battalion, DepEd, ug mga lokal nga kagamhanan, diin ang mga matag partisipante makadawat usab og scholarship allowance.
Dugang pa niini, gitutokan usab ang ICT-related training sama sa drone operations ug computer systems servicing, ingonman ang Coffee Production Level 2 kauban ang mga miyembro sa ASBSA diin gipanghatag ang kapin 300 ka punuan sa kape aron masiguro ang ilang kayal nga panginabuhian.
Photo courtesy: TESDA-Bukidnon
