Naangol ang duha ka 44-anyos nga lalaki human silang gipangtigbas sa ilang 45-anyos nga silangan, samtang nag-inom kauban ang ilang pamilya sa Purok 5, Barangay Mahayahay, Don Carlos, Bukidnon niadtong nakalabay nga adlaw.
Dali nga gidala ang duha ka biktima sa Bukidnon Provincial Hospital (BPH) sa Maramag diin sila nakatala og mga samad nga pagtigbas sa ilang mga abaga hinuon karon anaa na sa luwas ug stable nga kahimtang human gitahi ang ilang mga samad.
Base sa inisyal nga imbestigasyon sa Don Carlos Municipal Police Station (MPS), kalit nga miabot sa lugar ang suspek nga armado og bolo ug klarong hubog. Bisan pa man sa pag-imbitar sa mga biktima sa suspek aron mokaon, mibalibad kini ug nibiya sa lugar apan paglabay sa pipila ka gutlo kalit lamang kining mibalik ug gipangtigbas ang mga biktima.
Sa kasamtangan, padayon ang gihimong hot-pursuit operation ug makuting imbestigasyon sa kapolisan aron madakpan ang nakasibat nga suspek.
Photo courtesy: Don Carlos Municipal Police Station
