Pirmado na ang Memorandum of Agreement o MOA tali sa Tagum City Jail Male and Female Dormitory ug Barangay Canocotan, Tagum City, isip lakang sa pagpalig-on sa kooperasyon ug pagtinabangay alang sa komunidad.
Gipangulohan ang maong panagtambayayong nila Jail Chief INSP Gil V. Plaza, Tagum City Jail Male Dormitory Warden, ug Jail Chief SINSP Ofelia P. Lapas, Tagum City Jail Female Dormitory Warden, kauban si Hon. Rosalie A. Edig, Punong Barangay sa Canocotan, ug Mary Ann E. Gonzaga-Cannon, Barangay Kagawad.
Pinaagi sa MOA, gipasiugda ang hiniusang pasalig sa pagserbisyo sa komunidad, boluntaryong pagtabang ug pagpalambo sa kaayohan sa publiko.
Lakip sa mga inisyatibo nga gisuportahan niini ang mga kalihokan nga nakabase sa komunidad sama sa bloodletting activity. Gilauman nga pinaagi sa maong panaghiusa, mas mapalig-on ang relasyon tali sa Tagum City Jail ug Barangay Canocotan, diin ang pagserbisyo dili lamang kutob sa sulod sa pasilidad kundili mapalapad usab ngadto sa komunidad nga ilang gialagaran.
Photo Courtesy: Tagum City Jail Male Dormitory
