Gisaulog karong bulan sa Oktubre ang National Indigenous Peoples (IP) Month isip paghatag og pag-ila, respeto ug pagpasidungog sa mga lumadnong komunidad sa nasud. Ang selebrasyon gibase sa Presidential Proclamation No. 1906, s. 2009, nga nagdeklara sa Oktubre isip National Indigenous Peoples Month.
Kabahin niini ang Lokal nga Panggamhanan sa New Corella, Davao del Norte, nga nakigduyog sa nasudnong selebrasyon aron mapalambo ang kahibalo ug pagsabot sa publiko sa kultura, tradisyon, kasaysayan ug mga katungod sa Indigenous Peoples.
Pinaagi sa maong pagselebrar, gihatagan og gibug-aton ang importansya sa pagpreserbar sa mga tradisyon ug kabilin sa mga IP community, lakip na ang ilang pinulongan, mga kostumbre, tradisyonal nga kahibalo ug mga pamaagi sa pagkinabuhi.
Gipasiugda usab ang panginahanglan sa pagrespeto ug pagpanalipod sa mga katungod sa Indigenous Peoples aron maseguro nga sila mapadayon nga adunay tingog ug partisipasyon sa mga programa ug kalihokan sa komunidad.
Photo Courtesy: Bayan ng New Corella
