Nadakpan na niadtong Martes, Octubre 6, 2026 ang suspetsadong nalambigit sa pagpatay sa retired teachers nga magtiayong Edwin ug Elsa Galeno sa Banisilan, Cotabato. Ang pagkadakop resulta sa paspas nga aksyon sa PNP Cotabato ug Banisilan Municipal Police Station.
Atol sa pagproseso sa crime scene, nakumpirma nga nagpabiling kompleto ang mga kabtangan sa mga biktima, lakip ang kapin ₱1 milyon nga bag-o lang nilang gi-withdraw sa bangko, kita gikan sa rubber products, mga alahas ug importanteng dokumento.
Sumala pa nga napakyas usab ang suspek sa pag-abli sa kabinet nga ilang gigamit isip safe. Nagpasalamat ang pamilya Galeno sa PNP, lakip na ni Governor Emmylou “Lala” Taliño-Mendoza ug sa tanang mitabang sa pagpangita ug pagkadakop sa suspek.
Subay niini, gilauman nga ang maong pagsikop, makatabang sa pamilya sa ilang pagpangita og hustisya.
Photo courtesy: Banisilan Municipal Police Station
