Gubuhian pag-usab sa ilang natural nga pinuy-anan ang unom ka Mindanao racket-tail parrot nga giklasipikar nga vulnerable species sa North Cotabato. Gipagawas sa CENRO Matalam ubos sa DENR ang mga langgam niadtong Septiyembre 24, 2026, human kini boluntaryong gitugyan sa usa ka residente sa Magpet.
Tumong sa pagbalik sa mga parrot sa kalasangan nga hatagan sila og higayon nga mabuhi ug makapadaghan sa ilang matang, nga makita lamang sa Mindanao.
Sumala sa DENR, nameligro ang maong species tungod sa pagkahanaw sa ilang pinuy-anan ug ilegal nga pagpangdakop alang sa pet trade. Importante usab ang Mindanao racket-tail parrot sa ekosistema tungod sa papel niini sa pagkatag sa mga liso sa mga tanom.
Gipahinumdoman sa DENR Region XII ang publiko nga dili kuhaon o himuong binuhi ang mga ihalas nga mananap ug ipahibalo dayon sa mga otoridad ang insidente sa ilegal nga wildlife trading o pagpangdakop.
Photo courtesy: CENRO Matalam
