Nagpatuman sang hugot nga seguridad ang Sultan Kudarat Police Provincial Office ukon SKPPO, para sa pagpasiguro sang hapsay kag malinong nga pagpatigayon sang Mindanao Tourism Expo 2026 sa Sultan Kudarat.
Ginpangunahan ni PCOL Marvin A. Fontalva, Acting Provincial Director sang SKPPO, ang deployment sang mga pulis sa nagkalain-lain nga lugar sang aktibidad halin Oktubre 2 tubtob 4, 2026.
Lakip sa seguridad ang Police Assistance Desks, Convoy Escort Teams, kag Security Personnel para sa pagdumala sang trapiko kag kadam-an sang mga tawo.
Ang nasambit nga Expo ginpangunahan sang Provincial Government sang Sultan Kudarat sa pagpanguna ni Governor Datu Pax Ali S. Mangudadatu, sa pakig-angut sa Department of Tourism Region 12. Ginkilala ni Fontalva ang mga kapulisan kag partner agencies sa ila pagserbisyo para sa seguridad sang mga partisipante kag bisita.
