Nadakpan ang isa ka babae nga ginasuspetsahan nga nagabaligya sang ilegal nga droga sa ginpatigayon nga drug buy-bust operation pasado alas 6:30 sang gab-i, Oktubre 5, sa Purok Capitol, Barangay Kalawag 2, Isulan, Sultan Kudarat.
Suno sa Isulan Municipal Police Station, ang suspek ginkilala sa alyas nga “Jin Jin,” isa ka hamtong kag residente sang Barangay New Carmen sa Tacurong City.
Narekober sa suspek ang isa ka transparent heat-sealed plastic sachet nga ginasuspetsahan nga may sulod nga shabu, kag 500 pesos nga marked money. Paga-atubangon sang suspek ang kaso sa paglapas sang Sections 5 kag 11, Article 2 sang Republic Act 9165 ukon Comprehensive Dangerous Drugs Act of 2002.
Ang suspek yara na sa locked-up cell sang Isulan Municipal Police Station para sa nagakaigo nga disposisyon.
