Ginpabaskog sang lokal nga mga putahe kag Culinary Creativity ang una nga Tacurong Cook-Off Challenge nga ginpatigayon sang Oktubre 2, 2026 sa City Cultural and Sports Center.
Napulo ka teams ang naglaban-laban sa Culinary competition nga may tema nga “Savor Tacurong: Local Flavors, Creative Hands,” para ipakita ang ila talento kag abilidad sa pagluto.
Pagkatapos sang mainit nga kompetisyon kag mabinantayon nga pag-evaluate sang Board of Judges, Gamay nga Kalan-an ang ginkoronahan nga kampeon.
Nakuha naman sang MD’s Gastronome ang 1st Runner-Up, samtang Team Whisk ang 2nd Runner-Up. Ang una nga cook-off challenge may tumong sa pagpromote sang manggad kag tradisyon sang pagkaon sa Tacurong, kag sa pagpalapad sang potensyal sang syudad bilang isa ka destinasyon sa lokal nga turismo.
Photo courtesy: City Government of Tacurong
