Nadakpan sa mga otoridad ang usa ka indibidwal atol sa gikasang buy bust operation didto sa Block 7, Barangay Lambajon, Baganga, Davao niadtong nakalabay nga adlaw.
Ang operasyon gihimo sa mga personahe sa Baganga Municipal Police Station kauban ang 1st Davao Oriental Provincial Mobile Force Company ug lain pang law ernforcement units nga miresulta sa pagkasikop sa usa ka laborer nga residente sa maong lugar.
Ang dinakpan nakuhaan ug mga pakete sa gituohang shabu ug marijuana hinungdan sa iyang pagkasikop. Human niini, gimarkahan ug giimbetaryo dayun sa lugar sa nahitaboan ang mga nasakmit nga ebidensya uban sa mga testigo ug sa suspek mismo.
Gipahibalo usab ang akusado sa iyang mga katungod ug dayong gidala sa kustodiya sa Baganga Municipal Police Station alang sa tukmang disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy: Baganga MPS
