Gipatuman sa Davao City Police Office (DCPO) ang nagkalain-laing operasyon batok sa kriminalidad ubos sa pagpangulo ni City Director PCOL Peter Bauzon Madria, uban ang suporta sa komunidad ug mga opisyal sa barangay.
Nakadakop ang kapulisan og 37 ka suspek sa illegal drugs, 12 ka sugarol ug 39 ka wanted persons, lakip ang 23 ka most wanted. Nakumpiska usab ang kapin 253 gramos nga shabu ug 1,022 gramos nga marijuana, samtang nakasakmit og kwarta nga pusta sa illegal gambling operations.
Sa operasyon batok sa loose firearms, duha ka suspek ang nadakpan ug nagkalain-laing armas ang nasakmit, narecover ug giturn-over sa kapulisan.
Sa kinatibuk-an, 90 ka indibidwal ang nadakpan sa usa ka semana, nga gipasiugda sa DCPO nga resulta sa ilang pakigtambayayong sa komunidad ug LGU.
Photo courtesy: DCPO
