Gipalig-on sa Baganga Municipal Police Station ang pagpatuman sa mga balaod trapiko ug mga ordinansa sa munisipyo nga may kalabotan sa road safety pinaagi sa pagpahigayon og simultaneous checkpoint operation sa National Highway, Barangay Lucod, Baganga, Davao Oriental pasado alas 9:24 sa buntag kagahapong adlawa, Oktubre 04, 2026.
Ang maong operasyon gipahigayon sa mga duty patrollers ubos sa pagdumala ni PCPT Roy L. Englisa, Officer-in-Charge sa Baganga MPS, diin ilang gipatuman ang Republic Act Number 4136 kun Land Transportation and Traffic Code.
Tumong sa maong kalihokan aron nga mapalig-on ang presensya sa kapulisan sa mga dalan nga kanunayng agian sa mga tawo, ingon man aron usab nga mapugngan ang mga paglapas sa balaod trapiko, ug mapadayon ang kalinaw, kahapsay ug seguridad sa mga motorista.
Samtang gihangyo sa mga otoridad ang publiko nga kanunayng tumanon ang mga balaod ug regulasyon sa trapiko aron malikayan ang mga aksidente ug uban pang insidente sa kadalanan.
Photo courtesy: Baganga MPS
