Nagpanawagan ang Police Regional Office ukon PRO 12 sang mas hugot nga security measures sa mga mall, establisemento kag iban pa nga lugar bangod sa tuman ka damu sang mga manugbakal kag bisita sa pag-umpisa sang “Ber Months.”
Suno kay PBGen Alan B. Manibog, Regional Director sang PRO 12, kinahanglan magpabilin nga mabinantayon kag mapinadayunon ang security personnel, establishment owners kag publiko sa seguridad.
Ginhatagan-tumong ang husto nga pag-inspeksyon sa mga alagyan pasulod, pagmonitor sa mga matawo nga lugar, kag pagbantay sa mga makasuspetsa nga aktibidad.
Ginapaandaman man sang PRO 12 ang security management nga magpadayon sa malapit nga koordinasyon sa kapulisan kag magreport gilayon sang bisan ano nga security concern.
Suno kay Manibog, kinahanglan doblehon ang pag-halong sa tion sang holiday season agud mapabilin nga malinong kag luwas ang pagsaulog sang publiko.
Photo courtesy: PNP Police Regional Office 12
