Ginaduso sang DILG Region 12 ang paghatag sang prayoridad sa First 1,000 Days ukon F1KD bilang pundasyon sang mas maayo nga nutrisyon kag kaayuhan sang kabataan.
Ini ang mensahe ni DILG 12 Regional Director Atty. Rochelle D. Mahinay-Sero sa Mayors’ Forum kag Nutrition Workers’ Conference nga ginpatigayon sang National Nutrition Council 12 sang Oktubre 6, 2026 sa The Farm sa Carpenter Hill, Koronadal City.
Bilang Vice-Chairperson sang Regional Nutrition Committee, ginhagit ni Mahinay-Sero ang mga Mayor nga himuon nga prayoridad ang nutrisyon sa una nga 1,000 ka adlaw sang kabuhi sang kabataan.
Suno sa iya, ang pag-invest sa kahimsog kag nutrisyon sa sini nga tion importante sa pag-develop sang Human Capital kag sa malawig nga pag-uswag sang ekonomiya.
Ginpahayag man sa forum ang mga katungdanan sang LGU sa Philippine Plan of Action for Nutrition 2023 tubtob 2028, lakip ang pagpatuman sang mga programa para sa nutrisyon sa lokal nga lebel.
Photo courtesy:DILG Region 12
