Padayon nga anaa sa 100 dolyar matag barrel ang presyo sa krudo sa world market tungod sa nagpadayong tensyon sa Middle East ug risgo sa mga pag-atake batok sa mga barkong nagbiyahe sa Strait of Hormuz. Bisan misaka ang exports sa krudo gikan sa Middle East, nagpabilin ang kabalaka sa posibleng pagkaputol sa suplay.
Sa pinakabag-ong trading niadtong Oktubre 6, ang Brent nga krudo anaa sa kapin 100 dolyar matag barrel, samtang ang U.S. West Texas Intermediate anaa sa hapit 90 dolyar. Gitaho usab nga ang mga nasod sa G7 miuyon sa pagpagawas og 100 milyon ka barrels nga crude oil ug fuel gikan sa emergency reserves aron mapagaan ang pressure sa suplay.
Apan bisan pa sa maong lakang, nagpabilin ang risgo sa merkado tungod sa tensyon sa Gulf region, lakip ang mga pag-atake nga gipasanginlan sa Yemen batok sa mga target sa Saudi Arabia. Ang padayong pag-usab-usab sa presyo sa krudo mahimong adunay epekto sa presyo sa gasolina ug uban pang produkto sa nagkadaiyang nasod.
Photo courtesy: Investingnews
