Gipanawagan ni kanhi PBA Commissioner Noli Eala ang Samahang Basketbol ng Pilipinas o SBP nga magpatuman og mas dugay ug mas klarong plano alang sa Gilas Pilipinas, human mapakyas ang kampanya sa 2026 Asian Games.
Ang Gilas napakyas sa pag-abot sa quarterfinals human nakatala og 1-2 nga rekord sa group stage, ug natapos sa ika-siyam nga puwesto—kini na ang pinaka pangit nga performance sa Pilipinas sa men’s basketball sa Asian Games. Matud ni Eala, kinahanglan og mas taas nga preparasyon kay dili igo ang pipila lang ka semana alang sa dagkong internasyonal nga kompetisyon.
Gisugyot usab ni Eala nga mas maayong i-coordinate sa SBP ang mga lokal nga liga ug ang international basketball calendar, lakip ang mas maayong relasyon sa mga foreign leagues sama sa Japan B.League ug South Korea KBL aron mas dali ma-available ang mga Pinoy players nga nagdula sa gawas sa nasod. Gilauman nga mobalik ang Gilas sa aksyon sa FIBA Basketball World Cup 2027 Asian Qualifiers sa bulan sa Nobyembre.
Photo courtesy: ESPN. com
