Misaka og P10 kada kilo ang presyo sa manok sulod sa miaging semana tungod sa pagkunhod sa supply, sumala sa United Broiler Raisers Association o UBRA.
Matud ni UBRA chairman emeritus Gregorio San Diego, ang ubang mag-uuma nagpahulay una sa pag-atiman og manok aron maandam ang supply para sa mas taas nga panginahanglanon karong Pasko.
Gihimo usab kini sa ubang raisers aron makabawi sa dugay na nilang pagkalugi sa industriya. Samtang, miingon ang UBRA nga ang ubang retailers mipataas usab sa presyo tungod sa pagkunhod sa ilang ginabaligyang manok, aron makakuha gihapon og kita.
Gilauman nga mahimong mosaka pa ang panginahanglanon sa manok samtang nagkaduol ang panahon sa kapaskuhan.
Photo courtesy:wikipedia
