Nakarekober ang kasundalohan 53rd Infantry “MATAPAT” Battalion, Philippine Army, sa usa ka tagong arma ug mga war materiel sa Purok 3, Barangay Dalapan, Guipos, Zamboanga del Sur niadtong Oktubre 6, 2026.
Nasuta ang nahimutangan sa mga armas ug uban pang-materyales atol sa padayong custodial debriefing kang Florencio T. Sayamba, alyas “Jay-R,” “Bebot” ug “Rico,” nga giila sa militar isip kanhi Commanding Officer sa usa ka Unit Militia sa nabungkag nga GF KARA, WMRPC.
Si Sayamba nasikop sa 53IB atol sa pursuit operations sa Purok 5, Barangay Ocapan, San Miguel, Zamboanga del Sur niadtong Hunyo 18, 2026, ug kasamtangang anaa sa kustodiya sa Pagadian City Jail sa Lenienza, Pagadian City.
Lakip sa mga nakarekober ang usa ka carbine rifle, usa ka Ingram firearm, usa ka .38 revolver, duha ka hand grenade, usa ka commercial radio nga adunay upat ka antenna, ug gibana-banang 20 metros nga detonating cord o stick wire. Ang mga armas ug war materiel giturn-over sa Headquarters 53RD IB PA, alang sa hustong pagtipig niini.
Photo courtesy: 53RD INFANTRY “MATAPAT” BATTALION, PHILIPPINE ARMY
