Maglunsad og Asenso sa Panarbaho: Job Fair 2026 ang Public Employment Service Office kun PESO karong adlaw nga Sabado, Oktubre 10, sa Robinsons Pagadian. Gikan alas 1:00 sa hapon hangtod alas 7:00 sa gabii ang maong job fair nga pagahimuon sa Atrium, Upper Ground Floor sa maong mall ning dakbayan sa Pagadian.
Gilauman nga adunay mga employers nga moapil ug maghatag sa lokal ug overseas nga mga oportunidad sa trabaho alang sa mga nangita og panginabuhian. Gidasig ang mga job seeker, lakip ang mga bag-ong gradwado, first-time job seeker ug mga adunay kasinatian na sa trabaho, nga motambong ug mosulay apply sa mga available nga trabaho.
Gipahinumdoman ang mga aplikante nga magdala og updated résumé, balido nga ID, ballpen ug uban pang supporting documents kon gikinahanglan.
Ang maong kalihukan gitumong sa City Government of Pagadian aron mas mapaduol ang mga oportunidad sa trabaho ngadto sa mga residente ug matabangan ang mga nangita og trabaho nga makakita og angay nga employment opportunity.
Photo Courtesy: PESO PAGADIAN
