Nagpasaka ug kaso ang Taiwan batok sa 10 ka Taiwanese nga giakusahan sa paggamit og peke nga dokumento aron makakuha og restricted US chips nga ipadala ngadto sa China. Ang pipila sa mga chips gihimo sa Pilipinas, South Korea ug Singapore, ug posible matud pang gamiton sa mga armas militar sa China.
Giakusahan ang mga suspetsado nga nagpakaaron-ingnon nga konektado sa usa ka institusyon sa teknolohiya sa Taiwan aron makapalit sa controlled chips gikan sa mga American Company.
Aron malikayan ang pagsusi, gi-repackage matud pa nila ang mga chips ug gi-label isip non-controlled chips nga “made in Taiwan.” Gipadala matud pa kini sa Hong Kong aron makaginansya ug kapin 9.4 milyon ka dolyar. Posibleng atubangon sa mga suspetsado ang mga kaso nga fraud, document forgery ug money laundering.
Photo courtesy: GOOGLE
