Arestado ang usa ka lalaki sa mga personahi sa Tagum City Police Station, pinangulohan sa PNP Tagum Tracker Team, kauban ang nagkalain-laing operatiba sa kapulisan ning dakbayan, ang usa ka indibidwal nga may Warrant of Arrest nga gikonsiderang Most Wanted Person Top 10 City Level.
Gipahigayon ang maong operasyon sa Brgy. Canocotan, Tagum City, diin nadakpan ang suspek nga nailhan sa alyas “KENT”, lalaki, 28 anyos, ug residente sa Cagayan de Oro City, Northern Mindanao.
Giisyu ang maong warrant of Arrest sa Presiding Judge of Regional Trial Court, Tenth Judicial Region, Cagayan de Oro, alang sa kaso nga VIOL. OF SEC 5, ART. II OF R.A. 9165 nga adunay gi-rekomindang SERVICE OF SENTENCE.
Anaa na ang dinakpan sa kustudiya sa Tagum City Police Station alang sa saktong disposasyon.
Busa, giawhag sa kapulisan sa Tagum sa kanunay ang tanang Tagumenyos nga kung adunay nahibaw-an nga mga krimen o illegal nga aktibidades sa inyong lugar, mamahimong i-DIAL ang 911 o pag kontak sa ilang hotline number nga 09197485024.
Photo Courtesy: PNP Tagum
