Gideklarang kampeon ang Department of Public Works and Highways (DPWH) ug University of Mindanao (UM) sa Sports Ta Uy! Local Open Category Volleyball atol sa gipahigayon nga championship game niadtong nakalabay nga adlaw, sa Rotary Multipurpose Gymnasium.
Human sa intense nga mga dula sa tibuok kompetisyon, nasungkit sa DPWH ang kampeonato sa Interagency Division, samtang mipatigbabaw usab ang University of Mindanao sa Intercollegiate Division sa Male and Female Category, human sa ilang gipakita nga abilidad sa tibuok kompetisyon.
Kahinumduman nga gisugdan kaniadtong Septyembre 27, 2026 ang Sports Ta Uy! Local Open Category Volleyball, isip kabahin sa serye sa mga sporting event nga naglakip usab sa basketball ug uban pang mga dula.
Pinaagi sa maong programa, gihatagan og gibug-aton ang sportsmanship ug disiplina, samtang gipalig-on ang pag-apil sa nagkalain-laing sektor sa komunidad sa mga organisado nga sporting events.
Photo Courtesy: LGU-Tagum
