Kalabera nang nakit-an sa kapulisan sa lungsod sa Hinatuan ang usa ka lalaki nga dugay nang gireport nga missing human sa kapin upat ka bulan nga pagpangita sa iyang pamilya.
Giila ang biktima nga si Junnet C. Gultiano, gibana-bana nga 40 hangtod 45 anyos, residente sa Sitio Kantabon, Barangay Sasa, Hinatuan, Surigao del Sur.
Base sa impormasyon, nawala si Gultiano niadtong Hunyo 8, alas 8:00 sa buntag, ug katapusan siyang nakitaan sa Barangay Bituon. Human sa dugay nga pagpangita, nakit-an ang iyang kalabera sa Sitio Kape, Brgy. Bitoon, Hinatuan, Surigao del Sur.
Nagpadayon pa usab ang mga otoridad sa pagkuha og dugang impormasyon sa insidente aron masuta ang tinuod nga nahitabo sa iyang pagkawala ug kamatayon.
