Nakabenepisyo ang mga residente sa Pilar, Surigao del Norte sa libreng medical ug dental services nga gipahigayon isip kabahin sa mga kalihokan alang sa Pista sa Pilar. Gihatagan ang mga Pilarnon og higayon nga magpa-check-up ug makadawat og libre nga tambal, samtang gitanyag usab ang dental services lakip ang pagpabunot og ngipon alang sa mga nanginahanglan.
Gipangulohan ni Medical Chief Chloe Digal ang medical team sa pag-atiman sa mga pasyente, samtang misalmot usab ang mga dentista gikan sa Siargao Island Medical Center. Gipahigayon ang serbisyo sa Pilar Gym, diin komportable ang mga residente tungod kay air-conditioned ang maong pasilidad.
Kabahin usab sa kalihokan ang pa-raffle alang sa mga misalmot. Tumong sa maong kalihokan nga mapaduol ngadto sa mga residente ang mga batakang serbisyo panglawas ug makatabang sa ilang panginahanglan sa medical ug dental nga pag-atiman.
