Patay ang usa ka 50-anyos nga mag-uuma human giluba sa wala pa mailhing suspetsado sa Barangay Barubuhan, Sominot, Zamboanga del Sur, niadtong nakalabay nga adlaw.
Wala nay pulso ang biktima dihang naabtan sa mga responder nga naghigda sa Barangay Road, Purok 3. Gisulayan pa siya ug luwas sa personnel sa MDRRMO ug gidala sa Sominot Rural Health Unit, apan gideklarang patay sa attending physician tungod sa hypovolemic shock secondary to stab wound.
Gidala ang lawas sa biktima sa usa ka funeral home sa Ramon Magsaysay alang sa hustong pagpahiluna. Samtang, nagpadayon ang follow-up investigation sa Sominot Municipal Police Station alang sa pag-ila ug posibleng pagdakop sa wala pa mailhing suspetsado.
