Gipahigayon sa Maco de Oro College ang usa ka Mental Health and Suicide Prevention Awareness activity nga nagtigom sa mga estudyante, magtutudlo, kawani ug mga community partner aron mapalambo ang kahibalo bahin sa mental health ug pagpugong sa suicide.
Pinaagi sa maong kalihukan, gipasiugda nga ang pagpangayo og tabang dili timailhan sa kahuyang, kundili usa ka lakang sa pag-atiman sa kaugalingon ug sa uban. Gihatagan usab og gibug-aton ang kamahinungdanon sa pagpaminaw nga walay paghukom, pagpakabana ug pag-abot sa mga tawo nga nanginahanglan og suporta.
Gipasalamatan sa Maco de Oro College si Municipal Mayor Hon. Arthur Carlos Voltaire R. Rimando ug ang Municipal Government sa Maco tungod sa ilang pakigtambayayong ug suporta aron mahimong malampuson ang maong inisyatiba.
Padayon usab ang panawagan nga palig-onon ang usa ka komunidad nga mas masinabtanon, matinabangon ug andam maminaw, tungod kay matag kinabuhi importante ug matag tingog angay paminawon.
