Naglaum si Gilas Pilipinas head coach Tim Cone nga mahuman na sa Samahang Basketbol ng Pilipinas (SBP) ang proseso sa naturalization ni Bennie Boatwright aron maapil kini sa koponan sa umaabot nga FIBA World Cup Asian Qualifiers.
Sumala kang Cone, gusto nilang maapil si Boatwright sa fifth window sa qualifiers nga ipahigayon sa Seremban, Malaysia, gikan Nobyembre 27 hangtod 29.Anaa na sa proseso ang SBP sa pag-asikaso sa aplikasyon ni Boatwright alang sa Philippine passport. Kapin usa ka bulan na lamang ang gihatag nga panahon aron mahuman ang mga dokumento sa dili pa magsugod ang maong qualifying window.
Ang 6-foot-11 nga naturalized player kasamtangang nagdula alang sa Fujian Sturgeons sa Chinese Basketball Association.
Photo courtesy: instagram
