Nadakpan sa kapulisan sa Tagum City ang 36-anyos nga lalaki nga giila sa alyas “Bernardito” atol sa pagpatuman sa warrant of arrest niadtong Oktubre 6, 2026, alas 10:40 sa buntag sa Barangay Magugpo East, Tagum City.
Ang operasyon gipangunahan sa PNP Tagum Tracker Team uban sa ubang police units. Giisyu ang warrant of arrest sa Regional Trial Court Branch 1 sa Tagum City, Davao del Norte, may kalabotan sa kaso nga Perjury.
Adunay girekomendang piyansa ang korte nga P48,000 bugti sa iyang temporaryong kagawasan. Sa pagkakaron ang nadakpang lalaki anaa na sa kustodiya sa Tagum City Police Station alang sa hustong proseso sa balaod.
Samtang, gipahinumdoman sa kapulisan ang mga residente nga motabang sa pagreport sa mga krimen ug ilegal nga kalihokan sa ilang lugar. Mahimong motawag sa 911 o sa Tagum City Police Station hotline alang sa mga impormasyon nga makatabang sa pagmintinar sa kalinaw ug seguridad.
Photo Courtesy: Calgary Criminal Defense
