Gipahimangnoan sa Davao Light and Power Company ang mga konsumante sa kuryente nga dili sila mangolekta og bayad direkta sa mga panimalay. Giawhag ang publiko nga ipaagi ang tanang bayranan ug transaksyon sa ilang Customer Service Centers, ingon man sa mga opisyal nga over-the-counter ug online partners.
Gipasabot usab sa kompanya nga ang ilang mga personel nga moadto sa mga lugar kasagaran gitahasan lamang sa pag-ayo o pag-inspeksiyon sa mga linya sa kuryente.
Busa, ang mga konsumante gipahinumdoman nga magmatngon kung adunay moadto sa ilang panimalay ug mangayo og bayad. Kung adunay makamatikod og tawo nga nanghilabot sa metrohan ug walay ikapakitang ID, giawhag sila sa pag-verify sa iyang identidad pinaagi sa pagkuha sa ngalan ug kung mahimo, litrato, ug i-report kini pinaagi sa opisyal nga communication channels sa Davao Light.
Photo Courtesy: DLPC
