Gipailawom sa IGACOS City Jail ang pasilidad sa Fire Safety Assessment aron masiguro ang kaandam niini, pagsunod sa mga sumbanan sa kaluwasan batok sa sunog, ug hustong pag-andam sa panahon sa emerhensiya.
Gipangunahan ni SFO3 Roderick F. Ugdang, Station Commander sa Babak Sub-Station, ang pagsusi sa mga fire safety equipment, mga pamaagi sa paglikay sa sunog ug emergency preparedness sa jail facility.
Tumong sa maong kalihokan nga mapadayon ang luwas ug andam sa sunog nga pasilidad alang sa proteksyon sa mga personnel ug Persons Deprived of Liberty o PDL.
Samtang magpadayon usab ang IGACOS City Jail sa koordinasyon ug pakigtambayayong sa Bureau of Fire Protection o BFP aron mapalig-on pa ang fire safety ug emergency preparedness.
Photo Courtesy: Igacos City Jail
