Dakpan ang usa ka giila nga street-level individual (SLI) nga gitawag sa alyas nga “BAY” human sa hiniusang buy-bust operation sa Banaybanay Municipal Police Station ug Davao Oriental Provincial Intelligence Unit niadtong nakalabay nga adlaw sa Purok Simple, Barangay Mogbongcogon, Banaybanay, Davao Oriental.
Giingong nalambigit ang suspek sa paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002. Narekober sa mga otoridad ang gituohang shabu nga adunay gibug-aton nga mokabat sa duha ka gramo ug gibanabanang standard drug value nga ₱13,600, lakip ang marked money nga gigamit sa operasyon.
Ang tanang nakuha nga ebidensya gimarkahan, gi-inventory ug gidokumento sa presensya sa mga gikinahanglang saksi. Gipahibalo sa mga otoridad ang suspek sa iyang constitutional rights ug anaa na kini sa kustodiya sa kapulisan alang sa hustong disposisyon ug pagpasaka sa angay nga kaso.
Gipahayag usab sa Banaybanay MPS, ubos sa pagpanguna ni PMAJ Kevin E. Pamaos-Acop, ang ilang padayong paningkamot batok sa ilegal nga droga ug pag-awhag sa publiko nga mosuporta pinaagi sa hustong mga reporting channel.
Photo courtesy: Banaybanay Municipal Police Station
