Sikop ang tulo ka indibidwla atol sa joint buy-bust operation batok sa gikatahong drug den niadtong nakalabay nga adlaw, sa Sitio Island, Purok 7, Upper Labas, Midsayap, North Cotabato. Giila ang mga nadakpan nga sila alias “Tamano,” 56 anyos ug giingong maintainer sa drug den; alias “Bern,” 43; ug alias “Rowel,” 28-anyos.
Narekober sa operasyon ang 17 ka heat-sealed sachet nga gituohang shabu nga motimbang og pito ka gramo ug adunay gibanabanang kantidad nga 47,600 pesos, lakip ang drug paraphernalia, duha ka cellphone ug buy-bust money.
Nakaplagan usab ang itom nga body bag nga adunay duha ka granada. Atubangon sa mga suspek ang kasong paglapas sa RA 9165 o Comprehensive Dangerous Drugs Act ug RA 9516.
Photo courtesy: PDEA Regional Office BARMM
