Nanawagan ang Police Regional Office 12 sa mga ginikanan, tigbantay ug komunidad nga panalipdan ang mga bata ug kabatan-onan batok sa makadaot ug delikadong sulod sa internet. Giawhag ang mga hamtong, nga bantayan ang ilang mga anak ug giyahan sa paggamit sa social media ug uban pang serbisyo sa internet.
Pahimangno usab sa publiko nga ipahilayo ang mga bata sa mga content nga nagpakita og grabe nga kapintasan. Ingon man, ang mga online challenge o post nga nag-awhag sa makadaot nga binuhatan o nagbutang sa uban sa peligro angay usab ireport ngadto sa hustong awtoridad.
Samtang, gi-awhag usab sa PRO 12 ang mga ginikanan ug guardian nga kanunay pakig-estoryhan ang mga kabataan aron masabtan ang ilang kasinatian online. Pinaagi sa hustong paggiya ug responsableng paggamit sa internet, mas mapanalipdan ang mga kabataan batok sa makadaot nga content sa social media ug peligro nga mga kalihokan.
Photo courtesy: PRO 12
