Gihingusgan sa Lokal nga Pangagamhanan sa Kidapawan City ang dugayng pagpangandam batok sa mga kalamidad pinaagi sa pag-review ug pag-update sa Local Disaster Risk Reduction and Management o LDRRM Plan alang sa 2027 hangtod 2037.
Apil sa aktibidad ang Office of Civil Defense, City DRRMO ug nagkalain-laing city government offices nga adunay importanteng papel sa disaster response.
Gitambongan usab kini sa mga representante sa high-risk barangays sama sa Balindog, Perez, Ilomavis, Magsaysay, Manongol, Lanao, Singao, Poblacion ug Balabag.
Highlight sa maong kalihokan ang pagpangandam batok sa baha, landslide, linog, dagkong sunog ug hulaw, diin giingon sa CDRRMO nga ang pagkaandam ug hustong kahibalo sa gobyerno ug mga residente importante aron mas daghang kinabuhi ang maluwas panahon sa kalamidad.
Photo courtesy: City Government of Kidapawan
