Pormal nang giturn-over ang bag-ong Barangay Hall sa Barangay Impalutao, Impasug-ong, Bukidnon, human sa kapin 50 ka tuig nga paggamit sa daang pasilidad.
Sumala kang Punong Barangay Jerly Pacatang, dugay na nilang gipangandoy ang maong proyekto tungod kay nagtulo na ang atop ug nagkaguba na ang salog sa daang building. Dako kaayo ang kausaban sa bag-o ug mas lig-on nga pasilidad nga gidisenyo para sa kaayohan sa tanang residente.
Gipahayag ni Pacatang ang iyang dakong pasalamat kang Congressman Atty. John Flores sa iyang suporta ug pagpaningkamot nga makakita og pondo para sa maong pagpatukod sa barangay hall kunga sa gilauman nga pinaagi sa maong modernong building, mas mapamaayo ug mapalambo pa ang paghatag og serbisyo publiko sa komunidad
Gawas niini, gipasalig usab sa punoan sa barangay ang iyang pagpasalamat kang Impasug-ong Mayor Mai Okinlay sa walay paghubas nga pakigtambayayong ug suporta sa mga pasilidad sa barangay. Misaad si Pacatang nga ilang ampingan ug atimanon ang bag-ong pasilidad samtang patinguhaon ang mas paspas ug de-kalidad nga pagserbisyo sa katawhan
Photo courtesy: LGU –Impasugong/ Mai Okinlay
